( रत्नागिरी / प्रतिनिधी )
तालुक्यातील जाकादेवी येथे आज सायंकाळच्या सुमारास मॅक्सीमो गाडी आणि रिक्षाला भीषण अपघात झाल्याची घटना घडली. रस्ता सोडून रिक्षा बाहेर गेल्याने हा अपघात झाला. या अपघातात 4 जण जखमी झाले असून रिक्षा चालक गंभीर जखमी झाला आहे. जखमींना रत्नागिरी सिव्हील हॉस्पिटल येथे दाखल करण्यात आले आहे.
सविस्तर वृत्त असे की, जाकादेवी भातगाव मार्गावरील विल्ये येथे सायंकाळी 5 वाजण्याच्या सुमारास रीक्षाचा भीषण अपघात झाला. हा अपघात एवढा मोठा होता की रीक्षाच्या पुढच्या भागाचा चक्काचूर झाला. यामध्ये 4 जण जखमी झाले. एकजण गंभीर जखमी आहे. सर्वांना रत्नागिरी सिव्हील हॉस्पिटल येथे उपचारासाठी दाखल करण्यात आले आहे.
अपघाताची माहिती मिळताच ग्रामीण पोलीस स्थानकाचे सुनील सावंत, पोलिस गायकवाड घटनास्थळी दाखल झाले. त्यांनी जखमीना उपचारासाठी हलवले. अधिक तपास चालू आहे.
