(खेड)
मुंबई-गोवा महामार्गावरील भरणे- जाधववाडीनजीक व्हॅगनार कारने दिलेल्या धडकेत पादचारी गंभीररित्या जखमी झाल्याची घटना बुधवारी घडली.
काशिनाथ विष्णू ढसाळ असे जखमी पादचाऱ्याचे नाव आहे. ते रस्ता ओलांडत असताना पुण्याहून दापोलीला जाणाऱ्या कारने धडक दिली. रुग्णवाहिकाचालक सुरज हंबीर यांना घटनेची खबर मिळताच घटनास्थळी पोहोचून पादचाऱ्यास उपचारासाठी घरडा हॉस्पिटलमध्ये दाखल केले आहे.
