( खेड / प्रतिनिधी )
तालुक्यातील खारी फाट्याजवळ दुचाकीवरून कॉलेजला जाणाऱ्या दोन विद्यार्थांना धडक देऊन गंभीर जखमी केल्याप्रकरणी डमडम चालकावर गुन्हा दाखल करण्यात आला आहे. एजाज खेडेकर (भोस्ते, खेड) असे गुन्हा दाखल करण्यात आलेल्या डमडम चालकाचे नाव आहे.
पोलिसांनी दिलेल्या माहितीनुसार, सनील संतोष देवळे (17, नांदगाव, दिवाळवाडी, खेड ) हा आपल्या ताब्यातील दुचाकीवरून मित्र अनिकेत देवळे याला घेऊन कॉलेजला चालला होता. यावेळी खारी फाट्याजवळ समोरून येणाऱ्या भरधाव डमडमने जोरदार धडक दिली. या धडकेत सनिल हा जखमी झाला तर त्याच्या मित्र अनिकेत हा गंभीर जखमी झाला. दोघांना उपचारासाठी रुग्णालयात दाखल करण्यात आले. त्यांच्यावर उपचार सुरू आहेत. या अपघाताची फिर्याद सनील देवळे याने खेड पोलिस ठाण्यात दिली. त्यानुसार डमडम चालक एजाज खेडेकर याच्यावर भादवी कलम 279, 337, 338 नुसार गुन्हा दाखल करण्यात आला आहे. अधिक तपास खेड पोलिस करत आहेत.
