( संगमेश्वर/ मकरंद सुर्वे )
संगमेश्वर तालुक्यातील कडवई येथील अनेक शिवसैनिकांनी नुकताच मनसे नेते शिरीष सावंत व माजी आमदार नितीन सरदेसाई यांच्या उपस्थितीत कडवई बाजारपेठ येथे झालेल्या कार्यक्रमात महाराष्ट्र नवनिर्माण सेनेत प्रवेश केला. मनसे जिल्हाध्यक्ष जितेंद्र चव्हाण यांच्या नेतृत्वावर विश्वास दाखवत झालेल्या या प्रवेशाने मनसैनिकांमध्ये उत्साह वाढला आहे. भविष्यात असे अनेक प्रवेश होणार असून मनसे वाढीसाठी आपण अनेक कार्यक्रम राबवणार असल्याचे जितेंद्र चव्हाण यांनी यावेळी सांगितले .
नुकत्याच कडवई बाजारपेठ येथे झालेल्या एका कार्यक्रमात मनसे नेते शिरीष सावंत व माजी आमदार नितीन सरदेसाई यांच्या प्रमुख उपस्थितीत मनसे जिल्हाध्यक्ष जितेंद्र चव्हाण यांच्या नेतृत्वावर विश्वास ठेवत अनेक वाड्यातील शिवसैनिकानी मनसेत प्रवेश केला. यावेळी किंजळकर वाडी, धुळपवाडी, शेम्बवणे गोमाणे वाडी तसेच धामापूर जिल्हापरिषद गटातील अनेक कट्टर शिवसैनिकांचा प्रवेश झाला .
यात रामचंद्र किंजळकर, कडवईचे माजी सरपंच धोंडू किंजळकर, रमेश किंजळकर, चंद्रकांत किंजळकर, संदीप किंजळकर, अनिल किंजळकर, संदीप मते, सोमा धुळप, सुभाष धुळप, सुनील धुळप, प्रकाश धुळप, दत्ताराम गोसावी, संजय मते या कडवईतील शिवसैनिकासह शेम्बवणे गोमाणे वाडीतील नितीन गोमाणे, रोहन गोमाणे, समीर गोमाणे, चिराग पवार, महेंद्र सोलकर, साहिल गोमाणे, पंकज गोमाणे,आकाश पवार, सिद्धेश चांदे, प्रणय नाटेकर व आदित्य थुल तसेच धामापूर जिल्हापरिषद गटातील अनेक कट्टर शिवसैनिकांनी मनसे मध्ये प्रवेश केला .
यावेळी बोलताना शिरीष सावंत व नितीन सरदेसाई यांनी सर्व प्रवेशकर्त्याना मनसेत प्रवेश केल्याचा अभिमान वाटेल असे काम व सहकार्य आपणाकडून केले जाईल अशी ग्वाही दिली. तर जिल्हाध्यक्ष जितेंद्र चव्हाण यांनी भविष्यात असे अनेक प्रवेश होतील व आपण आपल्या कामातून संपूर्ण जिल्ह्यात मनसे वाढवण्यासाठी कायम प्रयत्नशील राहू असे सांगितले. या प्रवेशामुळे या भागातील मनसैनिकामध्ये उत्साहाचे वातावरण आहे.
